't Is maar wat in disse stad

Zakt in de geute zol Driekus zeggn, ik viel zowat van mien stoel deur de grootse woordn die wet 'older Velthoen sprak over de villa an de Boom 'aamtstroate, onwaardig um doar binn te koom want 't is de poorte van Kampen zeeg ie. Maar det ek um ook al ies in twee duzend twaalf eurn zeggn. En ie kunn iederene wel de skuld willn geem van de ermarmeli'jke staat woarin de villa verkeert, maar eij ef 't zelf ook of loatn weetn, 't kump veur mekare waarn zien woordn. Maar d'r is d'r maar ene de skuld, en det is de gemeente zelf, want die was eigenaar van 't pand en die ef 't twintig joar noa e loatn um d'r onder'old an te pleegn. Maar goed,nog maar een keer 't veurdeel van de twiefel veur Velthoen, ik ?ope det de road now ies op zien streepn giet stoan volgend joar is de skandvlekke eindeli'jk verdween, of anders bin ze gien knippe veur de neuze weerd.

Nog een paar weekn geduld em en dan kump de Raad van State met 't eind oordeel over de ?oogwater geule, sommigen willn 't now wel of doen of 't allemoale maar um een paar veugelties giet maar d'r leg netuurli'jk veule meer an ten grondslag. Maar wie weet kump de grune variant wel as knien uut de ?oge ?oed. Gien toeters en belln maar gewoon twee diek lichaamm van de Iessel noa 't Veluwerandmeer, die vol loopn as d'r echt wat an de knikker is. Mocht det echter woar'eid worrn dan zuj 't geknars en 't gepiep ies eurn, want dan kost 't een kladde weggegooid geld. En det is eigen skuld, want ze bin willens en weetns met de burgemeester veurop begunn met de anleg van de klimaat diek met 't risico det de Raad van State tot een andere slotsom kump. En aj now denkn det ze ies eem rustig ofwachtn op de uutspraak, nee eur, ze goan gewoon deur, een brugge, een sluus, 't kan niet op, en as 't verkeerd of lop dan kunn de burgers 't gelag betaaln, want det betaald 't college en de road echt niet uut eign pottemenee.

Met 't risico dak uut e maakt worre veur een zoerproeme, maar mien glas is echt altied ?alf vol, nog een veurbeeld woar de gemeente uutblinkt in 't niet noa koom van toezeggingn. De Ebbingestroate, en met name de tweede, een wasbord,slecht veur de rugge en merakels slecht veur de niern, de slechtste stroate van de binnenstad. Al joarn bin d'r plann veur een herinrichting, éénrichtingsverkeer en ?oaks parkeern. En wat blek now, zelfs veur twee duzend zeumtiene is d'r gien geld veur e reserveert. Een skone taak veur de jonges van de wiekvereniging binnenstad, want de wiekn kriegn meer in de melk te brokkeln, mooi uutgangspunt um doar mee an de slag te goan.

Tot slot 't goeie ni'js, vlagge uut, eindeli'jk een deurstart veur skeepswarf Peters, goed veur de lokale economie en goed veur de wark gelegen'eid.

En zo ziej maar weer, goed ni'js, slecht ni'js, d'r is altied wel wat in disse stad.
Appien Floep