?t is maar wat in disse stad
· leestijd 2 minuten Algemeen't Mut mien van ?t ?arte, want ik eb een merakelse bewondering veur de jonges van de natuur vereniging ?IJsselDelta'', ze stoan veur ?un zaak en ze goan tot an 't gaatien. Ze bin en ze bliem teegn die (blauwe) óogwatergeule en ze em weer met ?ulp van een paar deskundign met name water ingenieur Hans Hartong een verweerschrift e skreem op de toets die de gemeente ef in e diend. En op zich is det al biezunder, want de gemeente trekt een blik deskundign los en wat 't kost is gien probleem, en die jonges van IJsselDelta doen 't veur ouwe jonges krentebrood in ?un vri'je tied. En as 't elemoale niet anders kan dan kiezn ze veur een gruune'oogwater geule,die is veilig en kost 't minste. Nogmaals pette diepe of.
En tot mien en veuln met mien grote verbazing kump de gemeente nog gien vier moand noa det de Raad van State de dartien ?onderd dure ?uuzn langs de ?oogwater geule noa de prullemande ef verweezn, doodleuk opni'j met die dartien ?onderd uuzn anzettn ie muttn maar dorvn.
Veurig weke wier ik an en spreukn met 't verzuuk um op een zundagmorrn ies op de Oldestroate te goan kiekn, en inderdaad 't is doar een grote bende, de stroate leg bezaaid met troep, wie mien d'r op atent maaktn, de veurmalige kroegboas uut de Toornstroate, die zeeg de burgemeester zeg altied Kampen is Maastricht an de Iessel, maar niet op zundagmorrn, want dan is Maastricht skone, en Kampen niet um an te zien. Miskien een skone taak veur mien tipgever um de gemeenteroad d'r ies weer op an te spreekn,um toch maar weer de boel op te ruumm, zodat veural in de zomer sundes de stad ook toerist vriendeli'jk is.
En toch gebeurn d'r ook wel weer leuke dingn, 't gezwengel an 't Kleemans puntien tussen 't Kampereiland en de Mantiesweerd be'eurd tot 't verleedn, zunne paneeln neemm de overtocht over. Alleent mag ik liedn det de slinger d'r wel an blef zittn, want ik vroage mien of as 't een bietien druk is en d'r is gien zunne of dan nog steeds een druk op de knoppe voldoende is um 't puntien in beweging te kriegn.En as alles goed giet dan koomm ook de Pieper en de Geute an de beurte met zo'n zelfde puntien.Mooi klussien veur de stroatnaamm commissie um d'r een passende name veur te bedenkn. Ik vinne trouwens wel det onze old burgemeester Kleemans noa 22 joar burgemeestersskap d'r wat bekaaid of kump met een puntien. Eij is de enige ere burger van Kampen ze moggn ?m wel ies wat meer veur 't voetlicht brengn.
Radio Oost skunk in de ni'js uutzending nogal andacht an 't feit det de gemeente Kampen gien mensen meer in 't buutn gebied ef die toezien op 't dumpn van rotzooi, of 't streupn van wild, We em pliesie, pliesie survianten, handhaving, en stadstoezicht, en 't buutngebied loatn ze willens en weetns verloederen. Ik vinne 't een stad as Kampen onwaardig, nee zelfs skandalig. As d'r ene an de belle mut trekkn in de road dan is 't gruun links, ik dage Nieke Jansen uut um met een mosie te koomm, de rest mut van goeie ?uze koomm um ?ier teegn te stemm. En zo ziej maar weer, d'r is altied wel wat in disse stad.
Appien Floep.
