Kamper Kruudmoes

(door Henk de Koning)

Stikt de buule!
De tied vlug oe deur de vingers. De vekansies koomm d'r al weer an. ?Met de jonge deernties in bikini's en de al wat rieperen in hotpenzen,' zoas Dark Toestebolte zien jongste zeune ?et nuumt. Twaalf vri'jwilligers van de koggewarf bin al mooi op pad ?ewest. Met de kogge noa ?et Hanzefestival in de olde Engelse Hanzestad King's Lynn. De groep Kamper vri'j willigers is deur vursteluk ontvangen. Met ?appies en drankies, niet te zuunig. ?Et soorteluk gewicht van de complete bemanning nam in twee daagn feesten zo merakels toe det ze weerumme noa Kampm ballast over boord moszen goo'jen, wol ze op de zee de kop boomm water kunn ?oln.

Op de Rotary van de Stadsbrugge wier ?et succes van de reize noa Engeland nog ies uut'ebreid deur'eproat. Met bemanningslid Reijer van 't Hul as heregast. Ook al umme reden det de kogge binnkurt noa Doesborrug en Zutphen op warkbezuuk giet. As paradepeerdtien deur op ?et Hanze Waterfestival. Reijer van 't Hul en skipper Jan Jonker goan ook weer mee. Noa eerst bi'j DEV op zangles te bin ?ewest want ?et mutn wel promosietochtn bliemm. Reijer bestiet ?et bezuukers as welkom an boord zo alarmerend toe te zingen det gasten die zuuk waarn in de reddingsbootn bin weer'evunden.

Ie zaagn ?et gebeurn in Engeland toen Reijer en skipper Jan Jonker saamt de borgemeester van King's Lynn met een welkomstlied verrassen. De man bleef benauwd ?et complete loflied an valse neutn stoan uutluusteren; een offer det ?em noa ofloop in zien plaase een onderskeiding veur moed, beleid en trouw opleveren. ?Et gerucht giet det opvarende Jan Pol de borgemeester van King's Lynn de ?and drukn en toesprak: ?Leve de kween'. Weurmee ie ?leve de quinn' bedoeln, maar sinds voetbaltrainer Louis van Gaal bi'j Manchester United begun bin ze deur an de overkante wel wat an creatief Engels ?ewend.

Veur de kust van Engeland op weg noa King's Lynn is de kustwacht ook nog veur de Kampenaarn in haksie ?ekoomm. Een strandvonder die de kogge in de varte veur anker zag dobberen, vertrouwen ?et zaakien niet en en luiden noodklokke. ?Ik denke bootvluchtelingen op een olde skuute want ?et zeil ?angt er of'ezakt bi'j,' melden ie in paniek de kustwacht. Die er met een reddingsbote op of. Bi'j de kogge an'ekoomm wiern ze deur de Kampenaarn in vloeiend Louis van Gaal-Engels gerust ?esteld: ?No, gien shit on the little ball,- ?Nee, gien stront an de knikker!' ?Come on boord, de koffie is alreddie running,- de koffie lup al!'

Wet'older Martin Ekker ?ietn de kogge bi'j thuuskomst welkom. ?Fijn det jullie gezond weerumme bin want gezondheid is arrug belangrijk!' zeeg ie. Bedoeld as een opwekkende toesprake, maar uut de kombuis van de kogge klunk een knurrige stemme: ?A'j soms ?edacht det wi'j met skeurboek weerumme zoln koomm?! Maar ook veur borgemeester Bort Koelewijn ging bi'j de Rotary van de Stadsbrugge de vlagge uut. Bort is veur zes jeur weer ?erkeuzen as de borgerva van onze stad. Ma'j in oe skik mee wezen. Enkelt al deur Bort zien ijver ?et skeepswrak van de IEsselkogge permenent in Kampm onder dak te kriegn. De SGP in de road ziet deur gien brood in, maar toen Bort ?et hunieke skeepswrak uutlei as ?et manna veur toeristisch Kampm, zaa'j de SGP toch eemm twiefelen.

Wat dut de polletiek? In crisistied oe een Blinde Vinke beloomm maar met dooje musse ofskeepm. Dark Toestebolte bekenn det ie gien PvdA meer stemm. ?Nee, de tied det die fraksie op ?t stad'uus de pollenaiste dansen is wel veurbi'j. De kraaienmars kump eerst. De PvdA is polletiek bankroet.' ?Proat mien niet van bankn,' huiveren Bartus Pekel'erink. A'j deur oe spaarcentn noa toe brengen mu'j zo metene ook zelf de rente nog meebrengn. Da's de beul betaaln veur de stroppe umme oe nekke. Vrogger lokn de bankn met Zilvervlootspaarn. Maar de zilvervloot wier deur Piet Hein ?ekaapt. Die uutdrukkink gebruukn de bankn niet meer. ?Een bonus opstriekn' is er veur in de plaase ?ekoomm.' ?Hear, hear,' klunk ?et op de Rotary van de Stadsbrugge. ?t Was Reijer die in English style luudruchtig meevergaderen.

Gait Teuverlanteern nam now ?et woord. Noa ?et zoer zol ?et zoet koomm,' klaagn ie. ?Mark ie d'r wat van? 't Leemm wurdt met de dag zoerder. Mu'j zien ?oe of de Oldestroate in sneltreinveurt noa de knopm giet. De ene winkelsluutink noa de andere. De prommenade ene vullisbelt. Rijen geparkeerde bezurgbrommers teegn de puien, fietsers die oe op de prommenade over de tie'jen sjeezen, noa'ewuifd deur stadswachtn die er een speciaal duur pak veur ?em an'etrukn. Voorts bi'j de café's bargen terrasstuulties en peukn op stroate, reclameburden weur a'j over struukelen en op de zundaagn wegweijend zwarfvulles uut bastensvolle papierbakn. ?De liefde veur zien stad is een ieder angeboorn,' skreef Vondel ooit ies. Maar dan skienbaar niet bi'j de Kampenaarn.

De Oldesroate was vrogger een propere, leemtige winkelstroate. Wat is ?t now? ' ?Zegt ie ?et ies,' spoorn Jannus Flapuut stadsdichter Stengel Pontonnier an. Ie kun ?t altoos zo gevuulig zègn da'k er van mut lipm.' Stengel dacht eemm dieppe noa en sprak toen met beweugn stemme: ?De Oldestraote raakt uut'emargeld!' Passend ?espreukn veur ene die net van vekansie weerumme is uut margelland Limborrug ?Hear hear!' riep Reijer, die metene de wacht wier an'ezegd zien ?cup' (kop) te ?oln of weer as vanolds op Kampers over te goan. ?Engels al meer as zat op de winkelruutn an de Oldestroate,' marken Jan Rap in ?t Zadel op. Stengel, die zonder wientien uut transpirasie de ?eugte ?ef, vervolgen lieries: ?Met al det koopm op internet giet de menselukke stap in de Oldestroate verleurn 't Wurdt tied veur een comité van waakzaam'eid, wiln wi'j onze winkelstand nog redn.' ?Yes, a truth as a cow (een waarheid als een koe) riep Reijer, die mos bekenn saamt met Louis van Gaal dezelfde cursus ?Engels ?out of the loos wrist' (Engels uut de lusse pols) te ?em ?evolgd.

Ajuus, Hendrik