't Is maar wat in disse stad

Zakt in de geute zol Driekus zeggn, de gemeente en de jonges van de Zwartendiek bliemm mekare 't leem maar zoer maakn. is 't veurwark an de ?oogwatergeule now wel of niet toe e stoan. In mien beleving was de Raad van State vri'j dudeli'jk, maar zo'n uutspraak is vake toch ook weer voer veur juristen en is meestal veur meerdere uutleg vatbaar. Ik blieve een zwak oaln veur Bart Zeven en zien mensn want teegn de over'eid vechtn  is as een mugge teegn een olifant, pette of veur  ?un vast oldend ?eid. 't Zelfde geldt ook voor de natuur vereniging IesselDelta die em bezwoar e maakt teegn de oever deurbraak van de Iessel an de Kamper stroatweg, maar ook det ef tot op ?eedn nog gien effect want de bordn geem an dat de Kamperstroatweg veurige weke een nacht of e sleutn is e west veur alle verkeer, d'r lig inmiddels een grote piepe over de weg, dus ze goan gewoon deur.

't Zal wel an mien liggn maar ik bin nog niet zo arg gewend an Koningsdag op zeum en twintig april, maar wat wi'j ook, wi'j bin van een generasie die op  e gruuid is met Koneginnedag op dartig april, van mien ad 't op dartig april moogn bliemm.  En wat ik ook jammer vinne det de glans in Kampen een bietien van disse dag of is. Gien revellie meer, gien kienderzang meer, gien vuurwark meer, zelfs 't bevrijdings evenement in Iesselmuudn, 't defilé van olde legervoertuugn ofgeloopn zoaterdag georganiseerd deur Ab Roetman deed Kampen niet an, die paar centn extra kon de KOV, en wol de gemeente kenneli'jk niet betaaln, en wat mien ook verbaasd is det 't programma van de doodn ?erdenking niet in de oranje krante van de KOV stiet, al met al een gemiste kans.

De kogel is deur de karreke, letterli'jk en figuurli'jk, merakels jammer det de parochie niet meer in stoat is um de beide karrekn Kampen en Iesselmuudn in stand te oaln, maar toch oeveule piene 't de iesselmudegers ook zal kostn ik vin 't een logische keuze um de buutn karreke los te oaln. 't Kan toch niet zo weezn det zo'n rijks monument de deure dichte mut doen. Allenig is ?t ?oopn det d'r een zinvolle bestemmimng e vunn wordt veur de karreke an de Burgemeester van Engelenweg want leegstand doar zit niemand op te wachtn.

En dan toch ook nog wat goed ni'js, eindelijk gebeurt d'r wat met ?t stations gebouw an de overkante van de lange brugge, een mooi intiatief um d'r een streekmarkt in te oaln, ofgeloopn zoaterdag veur de eerst keer. Det 't maar een begin mag weezn van een meer permanente invulling, eij is geskikt veur veule activiteitn, want ook det is een gebouw wat niet leeg eurt te stoan. En 't liekt d'r elemoale niet op det ons Kamper diesel lijntien binn ofzienbare tied umme e bouwd wordt tot een electrische trein, 't is weer veuruut e skeumm in de tied, det wordt zo zachies an ook een gebed zonder ende.  As Arend Hengeveld nog wet ?older was zol ie vast zeggn, 't is de martelgang van kromme Lindert.

En zo ziej maar weer, goed ni'js en slecht ni'js, d'r is altied wel wat in disse disse stad.

Appien Floep