Afbeelding

Kamper Kruudmoes

· leestijd 4 minuten Algemeen

Stikt de buule!

(door Henk de Koning)

Nog eempies en noa verwachting 300.000 bezuukers uut 130 Europese Hanzesteden koomm noa Kampm veur ?et meebeleemm van de Internasjonale Hanzedaagn. In 2017 is ?t zovarre. Van15 tut en met 18 juni van det jeur gastheer speuln veur bezuukers uut 130 Hanzesteden uut gans Europa. De borgemeester slup noa al met feestmusse op.

Zo'n kolossaal festijn giet wel wat kosten. Noa verluidt 1.5 miljoen euro. Zekers 500.00 Euro deurvan mut Kampm uut eign knippe betaaln. Martin Ekker, onze wet'older van fianciën ?ef nog twee jeur de tied umme det zoere klikkien uut de borgers van Kampm te parsen. Te beginn met de gemeenteroad deur de dure vleiskreketn as tussendeurtien bi'j de vergoaderinks of te skaffen. ?Alle bieties ?elpen', liet Ekker de road (met de servetties al umme) weetn. ?Ook niet ene kreket, al is ?t maar umme an te roekn?' bedelen de PvdA. Want nivelleern mut van links wel een feesien bliemm. ?Det sprek,' viel Jannus Flapuut de rooje rakkers bi'j. Een lange roadsveradering uutzitn zonder ook maar de luchte van wat te kouwen op te snoemm rup al rap de vroage op: ?Weur doe'j 't allemoale veur?! Maar Ekker ?ield voet bi'j stuk. De borgemeester probeern nog een speciale DNA-kreket ( ?Deurgeemm, Niet Absorbeern') van Mores an te rikkemandeern maar Ekker zag ook deur gien financiële ruumte meer veur.

Gruun Links wol de dure kreketn vervangen deur een kuppien brandnetelsoep. ?Veur de goedkoperug'eid de brandnetels ook zelf plukn op ?et grusveldtien bi'j ?et stad'uus,' zo probeern de fraksieveurzitter van die partij'j een deurbrake te fokseern. ?A'j oe as gemeenteroad dan op de burste slaon veur de stad brandende vroagstukn op te lussen, ku'j ?et volk teems de bleurn op oe ?anden teunn,' lei die fraksie de vergaderink uut.  ?t Leek  een deurdacht plan, maar stranden op de SGP. Die vun det de gemeenteroad al meer as zat zien vingers branden an gewoagde bestuurlukke veuruutgangks. As veurbeeld nuumm de fraksie ?et conserveern van ?et wrak van de Iesselkogge. ?Best kans det die olde skuute boomm water liniaal rectum uut menare valt,' waarskouwen de SGP de veurstanders in de road. ?Want skeurinks ?ei'j maar zo in Kampm!'

Pette of veur al die Kampenaarn die zich in warkgruupies  vri'jwillig inzetten umme van de internasjonale Hanzedaagn een skitterend feest te maakn. ?t Bin de mantelzurgers van onze Kogge. Jannus Flapuut zit in de warkgroep mooie slagzinn bedenkn. Ook zonder een slukkien op skudt ie ze zo uut de mouwe. Op zien ?Ollands en in ?et Kampers. Bi'j veurbeeld: ?Wat Philips is voor lampen is de Kogge veur Kampm. Of: ?Een kogge in de vaart, zet  Kampen op de kaart!' Maar ook disse: ?t Stad'uus minder logge, gef ze ?et roer van de Kogge.' Die leste ?ef ie trouwens op verzuuk van Bort Koelewien weer ?eskrapt. Vier daagn achter menare skeepveurt uut de olde deuze met mesiek, dans, Hanzeburden, heksposisies, koggetochtn, karmisse, Hanzemarkt en ook mesiek niet tekurt. Dan is 't weer mooi zat ?ewest, want noa vier daagn compleet lus'eweekt van Calvijn mag in Kampm in alle rust ook wel weer ies een dominee veurbi'j koomm. Noblesse oublige...

Ook de provincie duk in de knippe veur de Internasjonale Hanzedaagn in Kampm. De glorie van det olde broederverbond straalt immers op de ganse provincie of. In de vlagge van Overiessel stiet met een aparte blauwe golvende bane duudeluk de IEssel as onze gemeenskappelukke rivier  of?ebeeld. As de snelweg van ons handelsverkeer over water. ?Eel vrogger al druk bevaarn deur de Kamper koggevloot. De grootste van alle Europese Hanzesteden, mu'j weetn.

In de middeleeuwen was ?et Duitse Lübeck de bakermatte van  van ?et Europese Hanzeverbond. In ?et medarne netwark van internasjonale Hanzesteden ?ef Kampm die rolle van Lübeck over'eneumm. Reden det wet'older Ekker ook Brussel umme een finansjele bi'jdrage ?ef ?evroagd. ?Een paar tunnegies op zien minst,' berichten ie de Europese Commissie in een an'etekend skriemm. Op'esteld in 't Kampers, maar vertaald in ?et Grieks. Krie'j de euro's nameluk liniaal rectum over'emaakt...

Jannus Flapuut op zien beurte is een uutneudigingk noa onze koning an ?t skriem. ?Sire, ?et thema van de internasjonale Hanzedaagn in Kampm is ?water.' Bi'j oe ofskeid as waterpins destieds zei'j nog det water een deel van oe leemm is goan uutmaakn. ?As det zo is ku'j in Kampm oe ?arte op'aaln.  Skeepm en water ?ier bi'j de vleet. 't Zol deurumme mooi wezen a'j in Kampm een krone op de Internasjonale Hanzedaagn zoln zetn deur det feest persoonluk te koomm hopenen. En wurdt al det water oe te machtig, trakteer ik op een biertien bi'j de skele. ?Oge achtend, Jannus Flapuut van de Rotary van de Stadsbrugge.'  't Wachtn is now op antwoord.

Det doen ook de skippers van de Bruune Vloot die met B en W. goan proatn over vermindering van de liggelden van de hantieke cruise-skeepm an de Iesselkade. Veur ?et toch ook   klassiek opsiern van onze stad bin de skippers 200 euro in de moand kwiet. Deur koomm de ?oge kosten veur de ofvoer van ?et ofval van de historische skeepm nog ies bi'j. ?Maar in de wintermoanden verdien wi'j ?et zolt in de pap niet,' klaagn de skippers. Wat now nog over is van de Bruune Vloot dreigt deurumme ook uut Kampm te vertrekn. Noa Enk'uuzen en Zwartsluus bi'jveurbeeld, weur de indrukwekkende skeepm 50 euro in de moand minder liggeld betaaln. Kampm doe water bi'j de wien! ?Maar nee, ?et gemeentebestuur ?olt voet bi'j stuk: ?Betaaln zu'j!'  ?t Kan betekenen: weg ook toeristisch visitekaartien in ?et wondermooie stadsfront van onze olde, zeevarende Hanzestad! ?Maar ?et collesjie ?ef deur skienbaar skijt an. Getuuge de opmarking van de wet'older in de krante: ?Kampm giet niet ten onder an een lege kade.' ?Da's gien beleid, das gem-ekker,' maakn Jannus Flapuut zich ?ellug. Weurvan akte!

Ajuus, Hendrik

Afbeelding
Django Wagner zegt af voor Sail Kampen 2024 en wordt vervangen door Henk Dissel Algemeen 19 uur geleden
Ook bij regen houdt je het droog bij Sail Kampen 2024.
Enorme paraplus boven evenemententerrein houden bezoekers Sail Kampen 2024 droog Algemeen 19 uur geleden
Afbeelding
Luchtbeelden tonen opbouw indrukwekkend evenemententerrein van Sail Kampen 2024 Algemeen 21 uur geleden
Afbeelding
Leg jij het gevoel van Sail Kampen 2024 vast op foto? Stuur je foto in en win. Algemeen 28 mrt, 09:00
Afbeelding
Wie wil De Brug bezorgen in de binnenstad van Kampen? (En enkele andere wijken) Algemeen 28 mrt, 08:17
Afbeelding
Verblijf Oekraïners in samenleving komt in nieuwe fase Algemeen 28 mrt, 08:00