‘t is maar wat in disse stad

· leestijd 1 minuut Partnerbijdrages

De kogel is zowat deur de karreke, ofwel deur de road, ‘t duurt niet zolange meer of de binnenstad wordt auto luw  e maakt, in de smalle stroatn stoan dan alleen de auto’s van de bewoners, en det geldt ook veur de parkeergarage in de ‘Ofstroate.Maar eerst mut d’r anns anders extra parkeer ruimte koomm. Ene van die plekkn kump bi’j “Kiek uut ‘olt”an de overkante van de lange brugge, woar now nog de veurmalige “oltloozn van Henk Krans stoan. Jammer det ‘t pas veur mekare e koomm is noa det OVK veurzitter Fre Helleman en Wet’older Pieter Treep mekare in de oarn e vleugn bin, een brantien die deur de Burgemeester vakkundig e blust is. Wat ook zo vreemd is det de parkeermeters in de stad uutmaakn ‘oelange aj in de binnenstad maggn bliemm, wi’j as toerist of as consument een  ‘alleve of een ‘ele dag in de binnenstad bliemm dan muj elke twee of drie uur terug noa de parkeer meter, anders bi’j an de beurte. Ze goan now kiekn of ‘t ook anders kan, zodet de bezoeker uutmaakt ‘oelange of ie wil bliemm, en zelf kan bepoaln oeveule geld of ie in de meter wil gooin. “t kump nog wel een keertien goed al duurt ‘t lange.We em ooit een artiest ad die noa aar ofskeid altied weerumme kwam “Heintje Davids”, en die name wordt nog altied gebruukt as det anns an de orde is.En det is now an de orde, alleent iet ie now gien Heintje Davids maar Jan Wieten. Tot verbazing van iederene in ‘t politieke wereltien ef ie an e geumm det ie terug wil op ‘t pluus, terwijl ie nog niet zolange  geleedn bekend maaktn det ie d’r elemoale kloar mee was, en met toeters en belln ofskeid ef e neumm. Of de fractie d’r zo bli’j mee is betwiefel ik, want ie zolln ‘t ook uut kunn leggn as een brevet van onvermoogn veur de ‘uidige fractie, umdet ie meent det ie ‘t zelf beter kan. Misschien sloa ik de planke wel mis, de toekomst zal ‘t leern.Ik wil eem de pette of neemm veur Iet Erdsieck, ‘aar analyse over IesselDelta zuid en de ‘oogwatergeule is mien uut ‘t ‘arte ‘egrepn,  en ‘t zelfde geldt veur Hans Hartong de waterdeskundige die blef vol oaln det de watergeule d’r niet kump.eij is d’r van overtuugd zeg ie, Ik durreve d’r gien flesse wien op te zettn maar as ie geliek kreg kan ie d’r wel tiene van mien kriegn. Zol d’r ooit nog iemand opstoan die in stoat is um de tunnelvisie van de veurstanders te deurbreekn veurdet ‘t onéil is geschiedt.Ikke en de vrouwe goan een posien genietn van een ‘opeli’jk zunnige vakansie, en det wens ik jullie allemoale ook van ‘n arte toe. Maar dak terug koome is zeker want d’r is altied wel wat in disse stad.Appien Floep.

Afbeelding
Django Wagner zegt af voor Sail Kampen 2024 en wordt vervangen door Henk Dissel Algemeen 4 uur geleden
Ook bij regen houdt je het droog bij Sail Kampen 2024.
Enorme paraplus boven evenemententerrein houden bezoekers Sail Kampen 2024 droog Algemeen 4 uur geleden
Afbeelding
Luchtbeelden tonen opbouw indrukwekkend evenemententerrein van Sail Kampen 2024 Algemeen 7 uur geleden
Afbeelding
Leg jij het gevoel van Sail Kampen 2024 vast op foto? Stuur je foto in en win. Algemeen 15 uur geleden
Afbeelding
Wie wil De Brug bezorgen in de binnenstad van Kampen? (En enkele andere wijken) Algemeen 15 uur geleden
Afbeelding
Verblijf Oekraïners in samenleving komt in nieuwe fase Algemeen 16 uur geleden
Broederkerk
Regiobijeenkomst van stichting 'Kom over en help' Algemeen 17 uur geleden
Wethouder Richard Boddeus neemt de handtekeningen in ontvangst
Actiegroep Muziekpad bestendigt protest met honderden handtekeningen Algemeen gisteren
Een eigen moestuin; Alex oefende er in Kampen al mee, maar straks heeft hij een immense moestuin voor eigen biologische teelt (foto: Attest Communicatie)
Freelancer De Brug vertrekt naar Bulgarije (8): Natuurlijk wil ik ook een eigen moestuin Algemeen 27 mrt, 15:57