Afbeelding

’t Is maar wat in disse stad

· leestijd 3 minuten Algemeen

Zakt in de geute as ’t woar is dan dut ’t mien brunneper ‘arte zeer, ’t Skient det Sail met Poasn twee duzend achttiene de joarmarkt de Heugte wil verdriem uut Brunnepe en verbann noa de binnenstad. D’r is een ni’j Sail bestuur en die zullen alles uut de kaste willn ‘aaln um d’r een financieel succes van te maakn want tot now toe mut d’r altied zwoar geld bi’j.

Maar een tradisie van meer dan drie ‘onderd joar kuj ook niet zo maar van de kaarte veegn, want det is een stukkien Brunneper cultureel arfgoed woar aj merakels zunig op muttn weezn.

Een mooi klussien veur de jonges van BEB “Bescherming Erfgoed Brunnepe”, um ze doar van te overtuugn, joarmarkt de Heugte ‘eurd in Brunnepe en nargens anders.

Det vier petijen in de road teegn de begroting em e stemt mut de coalisie en ‘t college toch wel tot noadenkn stemm. Aj een antal grote postn die d’r an stoan te koom niet in de begroting mee neem dan kuj ‘m altied wel sluutend maakn, zoas ’t uutgestelde onder’old an de Langebrugge wat in twee duzend zestiene al ad muttn gebeurn een miljoen extra, ’t opknappn van de toorn van de Boomkarreke acht ‘onderd duzend euro, en zo zal d’r ongetwiefeld nog wel een adder onder ’t gros vandoande koomm.

Woar ik altied al mien twiefels bi’j eb ad det is ’t rendement van de Hanze daagn, een feesien van vier daagn veur een slordige één komma zeum miljoen euro, ’t giet toch eigenli’jk nargens over, zol ’t dan toch echt woar weezn det we de domste stad van Nederland bin.

Wat wel een goed bericht is det volgend joar de skuppe in de grond giet an de Ebbingestroatn, en det d’r eindelijk een ende kump an ’t wasbord van Kampen, want ie kunn met goed fesoen niet meer over de tweede Ebingestroate riedn zonder daj geradbraakt de Cellespoorte bereikn.

Ik eb begreepn det d’r noa de herinrichting één richtings verkeer wordt in e stelt, miskien een goed idee, as ’t maar niet giet leidn tot nog meer verkeer wat dwars deur de stad mut um an de Iesselkante te koomm, want ’t blef een rare zaak aj van brunnepe de Griente of van de ‘Anzawiek noa de lange bruuge willn daj dan de ‘ele stad muttn deurkruuzn. Mooi klussien veur de verkeers deskundign um al det overbodige verkeer eindeli’jk uut de stad te kriegn.

’t Idee van gratis parkeern in de stad van sommige petijen is leuk veur de buune, maar ie maakn de mensen bli’j met een dooie musse want ’t warkt niet det ef de periode det de parkeermeters niet warktn wel uut e weezn, dan stiet de stad de ele dag vol met lang parkeerders en kan d’r gien mense met goed fesoen zien auto meer kwiet. Toch kuj wel een eleboel an die wense van gratis parkeern tegemoet koom, miskien is ’t veur de politiek iets um over noa te denkn, betaald parkeern van moandag morrn negen tot vri’jdagoamd zesse, teegn een zo goedkoop mogeli’jk tarief, en de koopoamd en de zoaterdag vri’j parkeern. Goed veur de burgers as ook zo veur de ondernemers, en det betaald parkeern tot soams acht uur det slot ook nargens op, gauw ofskaffn.

En zo blef d’r altied wat te wensn over en is d’r altied wel wat in disse stad.

Appien Floep.

Afbeelding
Django Wagner zegt af voor Sail Kampen 2024 en wordt vervangen door Henk Dissel Algemeen 4 uur geleden
Ook bij regen houdt je het droog bij Sail Kampen 2024.
Enorme paraplus boven evenemententerrein houden bezoekers Sail Kampen 2024 droog Algemeen 5 uur geleden
Afbeelding
Luchtbeelden tonen opbouw indrukwekkend evenemententerrein van Sail Kampen 2024 Algemeen 7 uur geleden
Afbeelding
Leg jij het gevoel van Sail Kampen 2024 vast op foto? Stuur je foto in en win. Algemeen 15 uur geleden
Afbeelding
Wie wil De Brug bezorgen in de binnenstad van Kampen? (En enkele andere wijken) Algemeen 16 uur geleden
Afbeelding
Verblijf Oekraïners in samenleving komt in nieuwe fase Algemeen 16 uur geleden
Broederkerk
Regiobijeenkomst van stichting 'Kom over en help' Algemeen 17 uur geleden
Wethouder Richard Boddeus neemt de handtekeningen in ontvangst
Actiegroep Muziekpad bestendigt protest met honderden handtekeningen Algemeen 27 mrt, 23:23
Een eigen moestuin; Alex oefende er in Kampen al mee, maar straks heeft hij een immense moestuin voor eigen biologische teelt (foto: Attest Communicatie)
Freelancer De Brug vertrekt naar Bulgarije (8): Natuurlijk wil ik ook een eigen moestuin Algemeen 27 mrt, 15:57