’t Is maar wat in disse stad
Zakt in de geute, ik woage d’r mien niet an um een oordeel te geem of Nederland goed e stemt ef, want det blek maar weer de kiezer ef altied geliek. Woar ik wel een warm gevuul van kriege is det twee en tachtig procent van de kiezers de muuite ef e neum um noa de stembusse te goan, een feesien veur de democrasie.
Maar dan toch nog een punt wat ik met de beste wil van de wereld niet begriepe, we kunn noa de moane ,we kunn noa zeum moand vliegn op mars um een voertuigien precies op de plekke zettn, maar as we muttn stemm dan kriegn we grote lappn papier in ‘uus woar niet over ene te kiekn is, en ak dan as veurbeeld det stemm telln in Rotterdam zie, dan vroag ik mien toch echt of is d’r now in ons digitale tiedpark echt gien andere mogeli’jk’eid is, umme det op te lossn.
Wi’j em al ies e stemt met stem de compjoeter, een druk op de knoppe en ie em de complete uutslag met voorkeur stemm en al, maar woar die e bleem bin, gien idee maar ze bin met stille trom vertrokkn, ik eb eigenli’jk nooit eurd of d’r onderzocht is of íer inderdaad mee e sjoemeld is. Maar ‘oe dan ook ’t mut toch mogeli’jk weezn um van die gigantische papierwinkel of te koom.
Ik eb ook ies eem e keekn oe d’r in Kampen e stemt is, aj alle stemm bi’j mekere optelln van de petijen die in de road zittn dan koom ie an zeumtig procent van alle uit gebrachte stemm. De rest van de stemm, dartig procent bin e goan noa PVV, Forum, de dieren, Ja 21, Volt. BBB, en Denk.
As al disse laast genuumde petijen volgend joar niet an de gemeenteroads verkiezingn mee doen dan zal dartig procent van de kiezers een andere keuze maakn. Veur campanje leiders van de zittende petijen iets um maar ies vast goed um over noa te denkn, want ‘ier is wat te áaln.
Ik kan mien goed veurstelln det d’r behoorli’jk frustrasie is bi’j de bruunevloot, al in de eerste ronde van de corona is d’r deur de over’eid geld beskikbaar e stelt, maar uut betaaln ho maar. Ik ‘eb begreepn det Hilde Palland d’r in den Haag vroagn over e stelt ef, en now ef GBK in de road ‘ier andacht an e skunkn. ’t Wordt tied det ze over de brugge koom, want ’t water stiet ze tot boom de lippn.
‘Ardstikke leuk idee det de gemeente um volgende weke een antal deurbelln beskikbaar stelt met een echt Kamper melodiegies, maar ie muttn d’r wel gauw bi’j weezen want ’t antal is beparkt.
Maar ’t is ook goed um d’r bi’j te weezn want d’r is altied wel wat in disse stad.
Appien Floep