Leugenbankje: ’t Is maar wat in disse stad

Zakt in de geute, soms ‘eur ie dingn dan vroag ie oe of is det now de norm van oe we met mekare umme muttn goan in onze stad. Goeie kennis van mien, gien enkel kwoad in de zin, was veurige weke met ‘aar untien an ’t kuiern bi’j de ‘oogwatergeule, gien mense te bekenn en ‘aar untien liep los wat te skarreln. Wat sketst ‘aar verbazing d’r kump een pliesie op een motor an en die stopt, ei’j kek ‘aar an en zeg, mevrouw dat hondje mag hier niet los lopen, oh zeeg ze det wist ik niet want d’r is ‘ier zo machtig veule ruumte, doar ef toch niemand last van, maar goed ik zal ‘m wel an de riem doen. Dat zou ik maar doen zeeg die motormuis, en ei’j paktn zien buukien en skreef een bekeuring uut van ‘onderd euro, warkeli’jk woar , ‘onderd euro. Ik zal ’t vaddes maar an jullie overloatn um d’r een oordeel over te ‘em, want as ik ’t doe dan skiet ik uut de sloffe en doar wordt de wereld ook niet beter van.

Nog eem dan kreg de Iesselkante internationale alure, benedenstrooms de bruune vloot en boomstrooms de witte vloot, en ’t is netuurli’jk merakels mooi det die grote skuutn allemoale noa Kampen koom, maar dan is ’t wel te ‘oopn det ze ier ook wat achter loatn, en det d’r niet alleent maar bussn kloar stoan um ze een daggien elders mee uut te neem, um dan weer te vertrekkn, want ’t zol wel mooi weezn det ze ook de stad in goan zodat we d’r economies ook wat beter van worrn. Maar we muttn ook niet overdriem zoas laast in de krante stun, “ ’t bin allemoale vermogende ouderen die an boord bin”. Ik éb met mien Rietje ook ies zo’n tocht e maakt, maar wi’j ‘eurn beslist niet tot de groep vermogende ouderen, en in mien beleving waarn d’r maar weinigen an boord die tot die categorie be’eurdn, maar goed ’t brengt wel weer wat extra leem in de stad en det is alleent maar mooi.

Gelukkig is d’r ook noa twee joar weer een tradietsionele konings dag, d’r verandert zo zachies an wel ’t een en ander, een gezameli’jke lampionoptocht van alle oranjeverenigingn te beginn in Iesselmuudn, as ’t niet meer alleenig kan dan maar saamt, een goeie zaak. Maar wat jammer det de brunneper oranje vereniging bi’j gebrek an vri’jwilligers miskien wel de piepe an Maarten mut geem. Maar det is niet alleent doar, want aj ’t zo links en rechts eurn, dan zittn alle verenigingn te skriwen um vri’jwilligers en bestuurders, en dan ‘elpt fuseern ook niet want ie kriegn de stadsn en de Iesselmuudegers echt niet as vri’jwilligers in Brunnepe.

En zo ziej maar weer, d’r is altied wel wat in disse stad
Appien Floep