Zakt in de geute, wat is die Rijkswaterstaat toch een koninkrijk binnen ’t koninkrijk. Ze willen een toeristische trekpleister de nekke umme dreien deur de croes skeepn an de Iesselkante te verbiedn an te leggn, umdet ze ‘onderd en vijf en dartig meter lang bin en d’r eigenli’jk maar ‘onderd en tien meter onder de Langebrugge deur de Iessel op mag.
Kampen ef d’r alles veur uut de kaste áald en een kladde geld investeert in de stroomveurziening um ’t optimaal te maakn veur die skeepn. Rijkswaterstaat wil ’t verbiedn vanwege de veilig’eid, en d’r is nog nooit wat gebeurd.
We em net een ni’je gemeenteroad, en now bin ik beni’jd ‘oe die ‘ier mee umme goan. Of ze d’r met zien alln dwars veur goan liggn en loatn zien wat ze weerd bin. Want wie maakt ‘ier de dienst now uut in Kampen: Rijkswaterstaat of ’t gemeentebestuur die wi’j met zien alln e keuzn em?
En ik denke det de ondernemersvereniging ook op de barrikadn mut, want die em ook profijt van al die gastn die een bezuukien an ’t centrum brengn van onze mooie Hanzestad. Mensn, verenigt oe en zorg daj dit winn.
De frustrasie van Theo van Mierlo over die poale bi’j de ‘Oltzagersteege doar kan ik ‘elemoale inkoom. Zo’n mooi fotoplekkien veur toeristn, die loat ie toch niet verpestn deur een poale of een bord.
En as Theo zeg: ’t is niet de enige plekke woar iets veur een monument stiet, dan kuj det gerust anneem. Want as d’r ene is die de stad kent, dan is ‘eij ’t wel.
D’r wordt veur ’t interieur, en met name veur de roadszetels van ’t olde stad’uus — ’t huidige gemeentemuseum an de Olde Stroate — een ni’je bestemmig e zocht. De grote toafel en de stoeln woar de gemeenteroad joarn an vergaderd ef, die stoan op dit moment te verstoffn in de Breurpoorte, en doar kunn ze echt niet bliem. Dat is grote zunde.
Ik bin ’t elemoale met old-burgemeester Kleemans eens: ze muttn een ni’je bestemming kriegn. In ieder geval de zetels. En ’t zol mooi weezn as ook die grote toafel bi’j een ni’je bestemming past, dan is ’t elemoale weer compleet.
De gemeente rop iederene op um mee te denkn en met ideen te koom, dus aj meen: ik wete wel wat — meld oe dan.
’t Is alweer de zeumde keer det een (glossy?) magazine in een luxe uutvoering in Kampen uut kump. Een prachtig blad woar alle moois van de stad uutgebreid an de orde kump — um trots op te weezn.
Ik ope det jullie allemoale niet alleen een mooie Koningsdag, maar ook een prachtig Koningsweekeind beleefd em, in Kampen en Iesselmuudn. Pette of veur de Oranjeverenigingen.
En zo ziej maar weer: d’r is altied wel wat in disse stad.
Appien Floep