Column: 't Leugenbankien
· leestijd 2 minuten Algemeen't Is maar wat in disse stad.
Onlangs bin ik as geboorn en getoogn brunneper uut e neudigd deur de jonges van de stichting BEB, (beskarming arfgoed Brunnepe) um ies een oamd mee te kieken woar ze mee bezig bin. En 't mut mien van 't arte, ik was merakels onder de indruk wat ze zoal veur mekare e kreegn em. Be'old van de paling rokeri'je, (woar ie kump is nog de vroage) maar ei'j blef in de beenn. ?t reddn van de peerdestal achter an de Beltweg. As ze d'r niet waarn e west dan was ie al lange verdween onder de slopers ?amer. En now bin ze druk met een aantal bewoners van de Noordweg um de bongerd achter de Riette gruun te ?oaln. En terecht, Brunnepe ef toch al zo weinig gruun, muj det ook vol met steenn goan bouwn. Ook ?oaln ze de vinger an de pols op de suntekloazn diek, 't oldste stukkien van Kampen, um de eeuwn olde lint bebouwing niet vadr an te tastn. Want doar stiet ook al weer( goed e vunn deur 't college), sloop op 't programma. In 't stad'uus bin ze waarskijnl'k niet zo bli'j met BEB, want ze fungeern as luus in de pels, en ze bin bereid as ze vinn det ze met een goeie zaak bezig bin um tot de raad van state te goan. Loatn we maar bli'j weezn det d'r nog zukke mensn bin, wat d'r is al vuuste veule e sloopt in onze mooie stad. Pette of veur BEB.
Veurige weke stunn d'r in disse krante een antal negatieve reaksies over de ni'je parkeermeters in de stad, meters woar aj oe kenteken in muttn voern, en ik kan det alleent maar onderskriemm. Vanuut mien ?uuskamer kiek ik op een parkeermeter, mensen stoan d'r op de drukke tiedn in de rij veur, de meestn stoan d'r op te kiekn en nog ies te kiekn, weetn ?un kenteekn niet uut 't eufd, muttn terug noa de auto, kortumme argenisse troef. En s'oams is 't nog beroerder, ie maggn wel een zak lanteern bi'j oe em want 't is d'r zo donker as de pest. Bin 't eens met Fré Helleman van de ondernemers vereniging, ze bin merakels klant onvriendeli'jk d'r is weer ies niet goed over noa e dacht. Conclusie 't bin ondingn.
Van oamd en donderdag bin in 't gemeente ?uus de algemene beskouwingn en de begrotings be'andeling veur twee duzend vijftiene. Veule spektakel zal 't niet oplevern want d'r is gien grote zak met geld um leuke dingn te doen, gelukkig stiet d'r ook gien extra lastn verzwoaring op 't programma. De gemeenteli'jke ?uus oald pottemenee lot 't niet toe um buutn sporige dingn te doen. ?Maar eén ongevroagd advies wik ze wel meegeem, doe eindeli'k ies wat an de tweede Ebbingestroate, de slechtste stroate van de binnenstad, 't is net een wasbord, aj gien piene in de rugge em dan kriej ?m doar wel. Doar wat an goan doen is echt niet buutn sporig.
De bolle skure ?eurt bi'j Graffes, en Graffes ?eurt bi'j de bolleskure, en now ie van buutn op e knapt is is 't de beurte an de binnen kante, det vinn de bewoners en ik geve ze groot geliek. Old de kop d'r veur en loat oe niet inpakkn deur de teegn standers.
Want oe oj ?t ook wendn of keern, d'r is altied wel wat in disse stad.
Appien Floep
