Ingezonden brief: Parkeerbeleid kampen
· leestijd 1 minuut AlgemeenEen oud collega Appien Floep uut Kampen, bracht mien op een idee. Umdet ie bijnao elke weke in “De Brug” een mooi stukkien skref over Kampn.
Now is et mien overkoom, det ik op zundagmurn noar de karke gao. En meestal aan de Iesselkade mien auto parkere. Ik stao langs de weg, en niemand tot last. Zundag kom ik uut de karke, en ja eur een parkeerbon. De hele rij auto’s achter mien em der ook ene. 129,00 euro, sommige mensen koom van buten de stad, omdet de dominee afscheid nam. Een bizundere gebeurtenisse,toch?
Ouderen in de knel door parkeerboetes op zondag: ‘84-jarigen lopen niet meer zo ver’
Now ek wel e leezn, det de tieden verandert bin, maar niks over daj dur niet magn staon. Want der is niks te laadn of te losn. Op zundag ist ook vrij parkeren. Want zundags wark is niet stark, is mien e leert. Maar ondanks det vrij parkeren op zundag, stuurn ze wel iemand op pad um een parkeerbon uut te skriem. Ze em zeker geld neudig. Dan kuj det et beste van olderen doen, die niet zo best meer ter been bin. Want 84 ers loopn niet meer zo varre.
Kep de gemeente een berichien e doan. Kweete niet of ik nog een berichien terug kriege. Jao, zo ef de old collega vake ook geliekie over de gemeente of de stad skref. Van de nije mark willen ze een tuin maakn, want der lign te veule stenen op vind der een wetolder. En op de Meulnbrugge gaon ze now ook wat anders maakn, et wegdek maakn ze smaller, want der mut een fietspad koom. Wat er al lange ad mutten weezn. Wat ze now nog nooit in de gaten em, is gewoon et trekkerverkeer over et midn laoten gaon. De snelheid wat anpassen, is toch niet zo arg veur det kleine stukken. En alles op e lost. Dan hoefie ook niet zoveule miljoenen uut te geem. Zo zie ma weer, zoAppien Floep zeg, tis altied wat in disse stad of met sien betuurders.
W. Schinkel
IJsselmuiden.
