Afbeelding
Foto: Eigen foto.

’t is maar wat in disse stad

· leestijd 1 minuut Algemeen

Zakt in de geute, veurige weke liep ik in ’t plansoen, ik was doar al een posien niet e west en aj doar dan zo ies um oe ene kiekn dan em we toch eigenli’jk wel een uniek park zo middn in de stad.

Via de singel terug kwam ik langs die ni’je skeetbane, prachtig mooi an e legd en ’t was d’r ook druk, de jeugd vermaakt d’r zich prima, de gekste capriooln worrn d’r uut ‘aald, maar wat mien opviel d’r lag ‘ier en doar nogal wat troep op de grond, en eigenli’jk kan det ook niet anders want d’r stoan slechts twee van die kleine armetierege prullebakkies,’ardstikke vol, taak veur de gemeente um doar is noa te kiekn want ik kriege de indruk det ze echt niet te beroerd bin um de rotzooi op te ruum maar det mut wel kunn.

Van bewoners van ’t appartementn gebouw noast de Stads‘arbarg kreeg ik de vroage of ik ies met de auto over de Iesselkante noa de langebrugge wol riedn, en dan netties an de snel’eid oaln, now ik zal oe vertelln ik skrukke, ter ‘eugte van woar de kleppe van waterkering leg doar zit een knik in de weg det wi’j niet weetn, ie knalln met dartig kilometer bi’jkans met de kop teegn ’t dak an, doar mut echt wat an gebeurn.

’t Zelfde effect ei’j overigens aj van de langebrugge links of de Iesselkante op goan ook dan kriej ie een beste klap. De mensn in ’t gebouw skien d’r ook merakels veule last van te em, van alle verkeer maar met name auto’s met aan’angers en vrachtverkeer, ze zittn te skuddn in ‘uus. Ik eb begreepn det ze de gemeente d’r al op an e spreukn em, mooie taak veur de ni’je wet’older van mobiliteit Richard Boddeus um doar wat an te doen.

De eerste Kamper ui’tdag zit d’r weer op en de koe die ‘angt weer, veur ons is det gesneedn koeke maar veur een buutn stoander altied iets woar ze uutleg bi’j neudig em. Ik ‘eb vriendn in Duitsland en ik kan mien best een bietien reddn in ’t Duits, maar ik kriege ’t niet veurmekare um ze precies vertelln oe ’t zit met die Kamper uien, ze begriepm d’r weinig van, en ze bliem ‘t maar raar vinn det d’r een koe an een toorn ‘angt.

Mooi det noa al die joarn de boel an e past wordt, ‘t ‘uidige concept is noa bi’jna vieftig joar uut e warkt en is an verni’jing toe, ’ik éb d’r alle vertrouwn in det det giet lukkn, want de Kamper ui’t daagn bin niet meer weg te denkn in onze mooie Hanzestad.

Ik wense jullie allemoale, kort bi’j uus of varre weg, een ’eele fijne vakansie en kom veilig  terug want d’r is altied wel wat in disse stad.

Appien Floep

Nick de Vries

Afbeelding
Django Wagner zegt af voor Sail Kampen 2024 en wordt vervangen door Henk Dissel Algemeen 18 uur geleden
Ook bij regen houdt je het droog bij Sail Kampen 2024.
Enorme paraplus boven evenemententerrein houden bezoekers Sail Kampen 2024 droog Algemeen 18 uur geleden
Afbeelding
Luchtbeelden tonen opbouw indrukwekkend evenemententerrein van Sail Kampen 2024 Algemeen 21 uur geleden
Afbeelding
Leg jij het gevoel van Sail Kampen 2024 vast op foto? Stuur je foto in en win. Algemeen 28 mrt, 09:00
Afbeelding
Wie wil De Brug bezorgen in de binnenstad van Kampen? (En enkele andere wijken) Algemeen 28 mrt, 08:17
Afbeelding
Verblijf Oekraïners in samenleving komt in nieuwe fase Algemeen 28 mrt, 08:00