’t is maar wat in disse stad
· leestijd 1 minuut AlgemeenZakt in de geute, ’t liekt d’r met gemak op det de gemeenteroad noa de verkiezingn van volgend joar maart toe det ze wat ‘oar op de koezn kriegn, zo strabant bin ze in gien tiedn e west.
Ze em ’t college onder druk e zet um eindeli’jk ies wat an ’t plan Buitenwacht te goan doen, en ’t zal tied worrn, en vervolgns em ze in e stemt met een mosie van gruunlinks um met een ja-ja sticker de folderbarg wat in te parkn, ook niet verkeerd. En as de road now ook nog ies wat extra druk giet zettn achter det joarn lange drama in de Boom aamtstroate, want det ziet d’r echt niet uut, een skande veur de stad. Dan motiveert ’t miskien de burgers um in maart noa de stembusse te goan, maar wat las ik now van de weke in de krante, d’r is al ies weer een joar vertraging, (’t zal ook niet zo weezn). En dan mun ze gauw weezn want noa maart zit d’r een ni’je road en die bin zo weer een joar varder veur dat ze deur em oe of de ‘aazen loopn, en dan bi’j maar zo weer twee joar varder.
Want oe oj ‘t ook wendn of keern, alle beslissingn die in het belang van ons as burgers e neum worrn, die worrn e neum an ’t Burgemeester Barguus plein, en doar is lange niet iederene van deur drungn, ik kan d’r niet genog op wiezn det ‘t van van belang is um oe stemme uut te brengn.
Eindeli’jk em ze de knuppe deur e ‘akt en is de olde nijver’eids skole an e weezn as gemeenteli’jk monument, onbegriepeli’jk det ze ’t ooit in ‘un ‘eufd em e ‘aald um die skole te sloopn, maar loatn we ’t d’r maar op oaln verstand kump met de joarn.
De begrotings be’andeling ef niet tot vuurwark e leid, de financiele posisie is redeli’jk en de gemeenteli’jke verhogingn bin binn de parkn e bleem, ’t college ef zonder al te veule muuite de zaak binn e ‘aald.
Wat d’r dan overblef is wat wisselgeld veur de road, die probeert um via amendementn en mosies ’t gevuul te kriegn van zo det em we dan maar mooi veur mekare e kreegn.
Wat ik wel oardig vun det d’r volgnd joar een stadsstrand bi’j de reeve sluus kump, een mooi plekkien woar ‘opeli’jk veule stadgenootn gebruuk van goan maakn.
Nog vier weekn dan zit ’t joar d’r al weer op, gien joar um met genoegn op terug te kiekn, toch mun we ondanks alle beparkingn maar probeern um d’r saamt wat van te maakn, loatn we ons in ieder geval de kop maar niet gek maakn, ‘t is wat ’t is. Eén ding stiet echter vast ook veur volgend joar, d’r is altied wel wat in disse stad.
Appien Floep
