’t Is maar wat in disse stad
· leestijd 1 minuut AlgemeenZakt in de geute, em we somers mooie kroes skeepn in Kampen, woarin de gemeente knap e investeerd ef in die grote stroomkastn an de Iesselkante, en woar ook wel behoorli’jk wat gastn van board goan um een bezuukien te brengen an de binnenstad, giet Rijkswaterstaat muui’jluk doen, ’t Is gevoarli’jk zeggn ze als ze muttn dreien in de Iessel. In de ofgeloopn joaren em d’r zeker een paar‘onderd van die skeepn an e meerd an de Iesselkante en e dreit bi’j ‘t weggoan, en d’r is nog nooit wat gebeurt. ’t Zal toch niet zo weezn dat de alsmaar toenemende regelbrij van de over’eid ook ‘ier d’r veur giet zorgn det disse toeristische activiteit ten onder giet. College en Road wees op oe ‘oede en loat ’t niet gebeurn.
Ik éb al weer een poosien zittn genietn van de ni’je Kamper Almanak 2025, ik kieke d’r elk joar weer met genoegn nou uut, interessante artikeln en mooie foto’s. Maar ’t veuruutzicht det ie miskien zelfs al volgend joar, noa zowat ‘onderd joar (de eerste is van 1928) op oald te bestoan doar wor ik niet bli’j van. D’r mut toch een mogeli’jk’eid weezn um dit boek met zien cultuur’istorische geschiedenis van Kampen in ere te ‘oaln, de gemeente kan ’t toch niet over zien kante loatn goan um dit unieke project woar aj als stad juist merakels trots op muttn weezn te loatn verdwienn. Loatn we bli’j weezn det de Historische vereniging “Jan van Arkel” de droad op e pakt ef noa det ’t Walkate archief van de Nutsspaarbanke d’r mee e stopt is. En loatn we maar ‘oopn det d’r volgend joar nog een almanak kump, maar doarnoa em ze zeker financieele ‘ulp neudig.
D’r is gelukkig nog eem tied, maar ik doe een beroep op een ieder die ook vindt det de almanak niet mag verdwienn, loat ’t op één of andere meniere weetn, een steuntien in de rugge kan “Jan van Arkel” best gebruukn, en wie wet beseft de gemeente ook zien verantwoordeli’jk’eid in deze en bin College en Road d’r van overtuugd det die Almanak gewoon bi’j Kampen ‘eurd, ook noa ‘onderd joar.
Ik eb grote bewondering veur de mensn die al een joar lang in de weer bin um det gezin wat in de karke zit dag en nacht te begeleidn. ’t Is toch niet ‘un skuld, ’t leg an de regels die ‘ier niet in orde bin, doar mut Nederland wat an doen. Kienders die ier geboorn en getoognen op skoole bin det bin toch gewoon Nederlandse kieders die goj toch niet noa een land stuurn woar ze nog nooit e west bin woar ze de taal niet van spreekn, en boomdien ze bin in de toekomst op arbeidsmarkt ‘ard neudig.
En zo ziej maar weer, d’r is altied wel wat in disse stad.
Appien Floep
