’t Is maar wat in disse stad
· leestijd 1 minuut AlgemeenZakt in de geute, Wet’older van der Sluis is van zien stoel of e valln, ik ‘ope det ie zich niet al te veule zeer e doan ef. Ei’j was kwoad umdet zien ambtenaarn toen ie met vekansie was besleutn em um de lokasie Zalkerbroek of te wiezn veur status‘olders en arbeidsmigrantn terwijl ei’j doar juust een veurstander van was, en d’r al druk mee doende was um ’t veur mekare te kriegn
Boomdien deed de wet’older nogal een krasse uutspraak, ambtenaarn muttn niet ‘un eigen feesien viern zeeg ie, now det kunn ze in de zak steekn.
Maar ’t is niet een wet’older die bange is um te zeggn wat ie d’r van denkt, zien uutspraak over een mogeli’jke status ‘olders lokasie an de Iesselkante bi’j Hotel van Diek woar de geruchtn over gingn, en woarover e zegd wier woar rook is vuur, dus één plus één is twee, liet van der Sluis niks an dudeli’jk’eid te wensn over, ei’j steldn de buurn an de Iesselkante gerust, deur te zeggn, één min één is nul, dus die koom doar niet, woarvan akte.
De road ef langer parkeern in de binnenstad van toafel e veegd, en doarmee niet goed e luustert noa alle teegn argumentn van b.v. de ondernemers vereniging, en veule andern die ‘ier op e reageerd em, ’t blef ’t ander’alf uur veur een groot deel van de binnenstad, en doar zullen d’r een ‘eleboel niet bli’j mee weezn. In onze lang gerekte binnenstad is ander’alf uur parkeern umme te winkeln een ‘appien te eten of noa de Stadsgehoorzaal te krap, en dan ook nog ies tot soams tien uur.
Een bekende van mien, een man van 83 die zeg altied ik ‘eb gien verstand van al die moderne trammelant, enik niet meer met geld kan betaaln an de parkeermeter dan bin ik veur de laatste keer in de stad e west, want ik bin zo gewend um een paar keer in de weke smorgns in de stad een komme koffie te drinkn en een proatien te maakn met stadgenootn en ik kan niet zovarre meer loopn um mien auto een ende buutn de binnenstad te zettn, en det ontneem ze ons umdet d’r een ‘antien vol euro’s uut een parkeer automaat e jat is. Als ze die dingn now elke dag leeg ‘aaln dan zit d’r nooit meer dan een paar centn in, niet de muuite weerd um ze te steeln. Want zolln ze doar an ’t Barg’uusplein wel besefn wat ze de mensn van mien generasie andoen met disse beslissing, want ik bin niet de enige ik kenne d’r veule meer.
Road, ik zol d’r nog maar ies goed over noadenkn want met dit besluut doei de slogan “Kampen Hartelijke Hanzestad” zeker gien ere an.
En zo ziej maar weer d’r is altied wel wat in disse stad.
Appien Floep
