‘t is maar wat in dise stad
· leestijd 1 minuut AlgemeenZakt in de geute, de gemeente ef zowoar een ‘uus ganze, “waggel” genaamd, die bruuit in een bloembak veur ’t stad’uus, of zoas de burgemeester zo graag wil ‘eurn veur ’t gemeente ‘uus. Maar now is de vogelgroep in aksie e koom, ze bin kwoad um det ze bij ’t arme beest iedere keer de eiers weg ‘aaln en ze vervangn veur steen eiers, en det vinn ze gemeen. En now roepn ze iederene op um de gemeente ‘ier op te wiezn, ik bin ’t eigenli’jk wel met ze eens, ’t toch wel zielig um die arme waggel veur de gek te ‘oaln met steen eiers. As ze now ies zoas e gesuggereerd wordt in ieder geval één echt ei onder waggel leggn, dan loat ie de natuur toch nog een bietien zien gang goan, want ’t is toch wel arg ‘ardvochtig um det beest drie keer op eiers te loatn bruuin woar niks uut kump.
Aj verstandig bin dan zorg ie daj de IEsselkante zolange de Meulenbrugge d’r uut lig maar loatn veur wat ie is, wat een puin’oop, ’t kost maar zo een ‘alf uur tot drie kwartier veur daj bi’j de langebrugge bin, en as toevallig de brugge een paar keer op giet dan duurt ’t nog langer. En ie worrn ook nog vernaggelt want ie koom onderweg een bord teegn woar op stiet “verkeers regelaars”, maar wat blek, overdag bin ze d’r niet. Ik dachte slim te weezn um ’t een keer vanof de Zwolseweg te probeern, now dan springn oe elemoale de troann in de oogn, we stunn tot veurbi’j de Spoorstroate, en det stoplicht bi’j de brugge lot per keer vier ‘ooguit vijf auto’s deur.
En now ’t goeie ni’js, woensdagoamd lampionoptocht en gelukkig weer zoas ’t altied e west is, want zoas veurig joar deur umstandig ‘eedn saamt met IEsselmuudn, een gerespecteerde poging, maar met een ongelukkige route, gien succes, en IEsselmuudn dut ’t now weer zelf op donderdagoamd. Maar of we now willn of niet tiedn verandern en niet alles blef bi’j ‘t olde, neem now de revellie, s’morrns um zeum uur overal muziek in de stad, hordn op de fietse d’r achter an, oer gezellig maar det is niet meer, de Broederband en ’t Stedeli’jke koom niet meer op stroate, en de Volharding bestiet niet meer. Neegn uur kienderzang op de Ni’jemarkt , ook det bestiet niet meer, ‘t ‘iet now “heel Kampen zingt”, en begint um elf uur. Maar ondanks det viern we in Kampen en IEselmuudn uutgebreid Koningsdag, want we goan zeker ook eem over de brugge kiekn, alleent loatn we met zien alln doemm det de weergoodn ons goed gezind bin want ’t is grote zunde as zo’n dag in ’t water valt.
En geniet d’r saamt van want zo ziej maar weer d’r is altied wel wat in disse stad
f
Appien Floep
