’t Is maar wat in disse stad
· leestijd 1 minuut AlgemeenZakt in de geute, ’t giet in de Kamper politiek zo zachies an al net zo as in de landeli’jke politiek, alles veuruut skoemm en niet noa koom van wat d’r of e spreukn is. Neem now ‘t parkeern, de binnenstad mut autoluw worrn, prima, maar veur de parkeerplaasn die op e ‘eevn worrn mut d’r eerst een alternatief koom, det was de ofspraak as veurbeeld, op de Ni’jemarkt goan 65 parkeerplaasn verdwienn, maar det willn ze now eerst goan doen en dan later maar ies kiekn of d’r annes een alternatief is.
Dus det de ondernemers vereniging giet steigern zal niemand verbaazn, en wat dan elemoale over de top is det wetólder Richard Boddeus um maar ie een muuili’jk woord te gebruukn “de wet’older van mobiliteit”, opni’j een onderzuuk d’r op los wil loatn oe groot of de parkeer behoefte is, net of det al niet genog onderzocht is, in plaats van oplossn dus maar weer veuruut skoemm, ’t rapport kan zo d’r bi’j in de onderste la.
Die olde skute, ofwel de Iesselkogge die ‘old de gemoedern in Kampen nog altiedvolop bezig, twee roadsleedn em een oamd organiseert woar belangstellendestadgenootn mee konn denkn, d’r is een vieftig man e west, een goeie zaak. Want gemeente oal toch ies op met steeds maar weer externe buroos in te schakeln, stel een denktank in want d’r is genog kunde en kennis in de stad die met goeie veurstelln kunn koom. En d’r bin nog al wat veurstelln in de oopnbaar’eid e koom , van steek ‘m maar in de brand, of geef de centn maar an de restaurasie van de Boomkarke, tot op de Koggewarf, ’t van Heutzplein, de loods noast ’t station an de overkante, bi’j de ‘oogwatergeule, ’t hertenkamp, in een glazenbak op een ponton in de Iessel, tot an in een grote cooster, de laatste twee opties um d’r mee op pad te goan van Hanzestad noa Hanzestad, ook zo gek nog niet.Ze vinn allemoale wel aj de Kogge alleent maar tentoonstelln dat ’t dan gien enkele meer waarde ef, dan mist ’t ieder toeristies doel, dus d’r mut meer gebeurn, ei’j zeeg op die oamd ie mutn d’r een circus um ene bouwn, ziej ’t saamt al gebeurn drie ‘onderd en vijf en zestig daagn circus in Kampen, Ikke niet. Maar al met al ’t giet um een merakelse kladde geld, miskien wel een te grote broek veur een stad as Kampen. Wordt vervolgt.
Blief bi’j de les want zo ziej maar weer, d’r is altied wel wat in disse stad.
Appien Floep.
